«Түлектен тарту» жобасы аясында ұйымдастырылған қайырымдылық акциясы аясында
мектебіміздің түлектері тарапынан зор қолдау көрсетілді.
Атап айтқанда, оқу кабинеттеріне жалюзи орнатылып, психология кабинеті мен спорт залына қажетті құрал-жабдықтармен қамтамасыз ету жұмыстарына демеушілік жасалды.
Туған мектебіне деген сіздердің жанашырлықтарыңыз бен қолдауларыңыз – жас ұрпақтың сапалы білім алып, салауатты өмір салтын ұстануына бағытталған игі бастама деп білеміз.
Сіздердей жүрегі кең, елжанды азаматтардың үлгілі істері – кейінгі буынға өнеге болары сөзсіз.
Мектебіміздің ұжымы атынан шынайы алғысымызды білдіре отырып, дендеріңізге саулық, еңбектеріңізге табыс, өмір жолдарыңызға сәттілік тілейміз!